OKWU NKỌWA
Tupu oge mgbasa usoro ofufe ndị ozi, Ụlọ Nzukọ gasị wepụtara ohere maka ọgbakọ na kwa ebe a na-anọ efe ofufe maka ndị na-achọ ihu Chineke dị ndụ. A ka na-agbaso usoro ofufe a n’ọtụtụ akụkụ mba ụwa ebe ndị mmadụ na-agbakọ na nnukwu ụlọ a rụrụ arụ, ebe ụfọdụ ndị ọzọ na-aga n’ụlọ n’ụlọ (1Ndị Kọr. 16:19; Ọlụ Ndị Ozi 2:46) maka ofufe a na-efekọta ọnụ. Ebumnobi usoro ofufe ahụ bụ maka inye ọzụzụ miri emi, ịgba ume na kwa inye ohere maka ofufe a ga na-efekọta ọnụ. N’ihi ya, ezigbo onye ụka na-esonye n’ofufe ndị ụka oge niile iji kwalite omenala a. Ọ bụ ihe mwute na ụfọdụ na-ahụta ịga ọgbakọ ndị ụka dị ka ihe abaghị uru na ihe itufu oge. E nweghi ihe karịrị eziokwu a nke bụ na Jizọs na ndị ozi (Ọlụ Ndị Ozi 3:1) debezuru emume isonye n’ọgbakọ mgbe niile n’Ụlọ Nzukọ n’agbanyeghị ogogo na ndị ha bụ. Ebumnobi ihe ọmụmụ a bụ ịkpọpụtasị uru ịga ọgbakọ ndị ụka mgbe niile bara na mkpa ọ dị nye ndị kwere na Kraịst n’oge ugbua.