OKWU NKỌWA
Na Sayensị ndụ, a ga-akọwa nwatakịrị dị ka onye nọ n’agbata ọmụmụ rue ịbanye ntorobịa. Ma n’asụsụ ndị ọkaikpe, nwa bụ onye erubeghị afọ iri na-asatọ dị ka nkwekọrịta ọtụtụ mba si dị. Otu UNICEF nabatara nkọwa a. N’Akwụkwọ Nsọ, nwa maọbụ ụmụ pụtara ihe ụzọ ebe karịrị otu puku na narị ise; ọzọ a na-ejikarị okwu a atụnyere nwa e bu n’afọ maọbụ onye a na-azụ rue ntorobịa. N’ebe anyị gụrụ, Jizọs gosipụtara enweghị afọ ojuju etu ụmụazị ya siri gbochịe ụmụntakịrị ịbịakute Ya ma kwue na Alaeze ya dịịrị ha na ndị ga-anabata ozi ọma dị ka ụmụntakịrị. A na-ahụta nwata oge niile dị ka onye dị iche n’omume, ọnọdụ na ihe ọ na-anọchite dị ka akparamagwa ndị e ji mara nwatakịrị dị ka: aka ịdị ọcha, inwe obi umeala, adịghị okomoko, inwe mmụọ nnabata, enweghị mmejupụta, nnwereonwe, enweghị nchekwa, ịdị ọhụụ, na kwa ijuputa n’onyinye amara dị iche iche. Ihe ọmụmụ a ga-enyere anyị aka ibi ụdịdị ndụ dị mma nke ụmụaka na-ebi n’ibi ndụ nke anyị kwa ụbọchị.